التدريب المهني والدراسة والعمل في المانيا

أحياناً. السفارة بتفحص وضعك المادي، ولازم يكون دخلك أكتر من ١٠٤٨ يورو برتو بالشهر. إذا راتب الأوسبيلدونغ تبعك أكتر من هيك، ما رح تحتاج لا حساب بنكي ولا كفيل. بس إذا الراتب أقل، بتحتاج تغطي الفرق بحساب بنكي بالمبلغ الناقص بس.

استقدام أجانب كطلاب أوسبيلدونغ شغلة صعبة ومكلفة على صاحب الشغل، من ناحية الوقت والمجهود ومعاملات الفيزا والموافقات. لهيك بيجيبوا طلاب من برا بس لما يكون في حاجة ماسة، وبالتحديد بالاختصاصات اللي فيها نقص كبير بالعمالة، مثل التمريض ورعاية المسنين والمهن اليدوية كالنجارة والحدادة وعمال الصحية وغيرها. لهيك ينحكى تركز بالبحث على المهن المطلوبة بشدة.

المستوى المطلوب لأغلب أنواع الأوسبيلدونغ هو B2، وهاد المستوى بيرفع نسبة قبولك بكل أنواعها. بس في بعض التخصصات بتقبل B1، يعني المهن اللي ما بتحتاج تتعامل كتير مع الزبائن، مثل الفراشة أو عامل المستودع أو عامل النظافة.

آه، مسموح للأجنبي يشتغل لحد ٢٠ ساعة بالأسبوع بمهنة غير مهنة الأوسبيلدونغ. مثلاً إذا حدا عم يعمل أوسبيلدونغ تمريض، فيه يشتغل بكازية أو يوصل بيتزا.​​​​​​​​​​​​​​​​